Introdución:
Este regulamento describe os requisitos, deberes e dereitos de filiación dos socios e socias da AV “O Camiño das Fontiñas”, así como o procedemento para darse de alta e de baixa na asociación.
Poderán ser integrantes da asociación todas aquelas persoas físicas, con plena capacidade de obrar e as persoas xurídicas tralo acordo do seu órgano competente, que non teñan débedas pendentes coa asociación e que reúnan os seguintes requisitos:
• Ser maior de idade e identificarse cos fins da asociación.
• Maior de 14 anos co consentimento, documentalmente acreditado, das persoas que deban suplir a súa capacidade (titores) e identificarse cos fins da asociación.
Afiliación de socios/as:
Calquera persoa que cumpra cos requisitos indicados anteriormente poderá afiliarse á asociación de acordo ao seguinte procedemento.
• Presentar por escrito a solicitude de ingreso na asociación.
• Xunta directiva toma o acordo de admisión ou non admisión da persoa solicitante nun prazo máximo de 30 días, a non contestación neste prazo non significa que fóra admitida a súa solicitude. Todas as solicitudes deberán ser contestadas.
• Comunicación ao solicitante da resolución da xunta directiva. A resolución positiva será comunicada ao interesado/a, indicándose que ten un prazo de un mes para realizar o pago da cota anual. A resolución negativa será tamén comunicada ao interesado/a xustificándose o motivo da non admisión da solicitude, e contra a cal con cabe recurso algún por parte do solicitante.
• Recibida na asociación a confirmación do abono da cota anual, o socio/a será inscrito no libro de socios e socias da asociación e a partir dese momento poderá participar de pleno dereito en todas as actividades, asembleas, etc. da asociación.
• Comunicación ao socio da súa inscrición no libro de socios así como dos seus datos de identificación e de número de socio.
Desafiliación de socios/as:
Calquera socio ou socia pode causar baixa voluntaria ou por decisión da xunta directiva, debidamente xustificada. Pérdese a condición de asociado/a por:
• Por vontade propia comunicada por escrito á asociación.
• Por falecemento da persoa física ou extinción da persoa xurídica.
• Por expulsión do asociado ou asociada:
- Por incumprimento do establecido nos estatutos.
- Pertencer a outra asociación cos mesmos ou similares obxectivos e ámbito territorial.
- Por non pago da cota anual, tralo previo requirimento e aviso da xunta directiva, e de acordo ao establecido no apartado de cota anual de socio/a deste regulamento.
- Por expediente de expulsión, polo incumprimento das obrigas ou a realización de accións que prexudiquen gravemente ós intereses da asociación. O interesado/a será informado sobre a apertura en contra súa do correspondente expediente, poderá este realizar as alegacións que considere oportunas no prazo de un mes, antes de que a xunta directiva resolva definitivamente o expediente de expulsión.
- O acordo de expulsión deberá ser ratificado pola asemblea xeral extraordinaria e contra a súa resolución non cabe recurso algún no ámbito da asociación.
Dereitos dos asociados/as:
Os contemplados no artigo 9 dos estatutos da asociación.
Obrigas dos asociados/as:
Os contemplados no artigo 10 dos estatutos da asociación.
Cota anual de socio/a:
As cotas teñen sempre carácter anual (ano
natural). A cota por socio/a establécese en 12€ anuais, independentemente do
mes do ano en que se inscriba. Co fin de favorecer a participación nas
actividades da asociación das familias e incrementar o número de socios/as, establécese
unha cota anual de 6€ para segundos ou sucesivos socios/as e menores dunha
unidade familiar, que así o acrediten cando realicen a súa solicitude.
A cota resultante das unidades familiares abonarase nun recibo único e calcularase aplicando a seguinte formula: Cota anual familiar =12€+((S+M)*6€), sendo S o nº de sucesivos socios e M o nº de socios menores. As cotas familiares sempre terán un sumando de 12€ e outro de 6€*(S+M).
Co fin de facilitar o normal funcionamento da asociación, a cota será abonada antes do 31 de marzo do ano en curso.
Todas as persoas que non abonen a cota, no primeiro trimestre de cada ano, serán avisadas do incumprimento de este importante deber e que, de acordo a este regulamento, non poderán participar nas actividades da asociación ata que abonen a cota, aínda que sí nas asembleas.
Se o socio/a non abona a cota, correspondente a un ano natural, será dado de baixa na asociación e esta seralle comunicada ao interesado/a e á asemblea de socios/as.
A baixa de calquera socio/a por calquera das causas contempladas nos estatutos e neste regulamento non dá dereito a recibir contraprestación económica ou material da asociación. Contra esta resolución da xunta directiva e a súa ratificación pola asemblea xeral non cabe recurso algún.
Aprobado en asamblea xeral extraordinaria de 7 de maio de 2014
A cota resultante das unidades familiares abonarase nun recibo único e calcularase aplicando a seguinte formula: Cota anual familiar =12€+((S+M)*6€), sendo S o nº de sucesivos socios e M o nº de socios menores. As cotas familiares sempre terán un sumando de 12€ e outro de 6€*(S+M).
Co fin de facilitar o normal funcionamento da asociación, a cota será abonada antes do 31 de marzo do ano en curso.
Todas as persoas que non abonen a cota, no primeiro trimestre de cada ano, serán avisadas do incumprimento de este importante deber e que, de acordo a este regulamento, non poderán participar nas actividades da asociación ata que abonen a cota, aínda que sí nas asembleas.
Se o socio/a non abona a cota, correspondente a un ano natural, será dado de baixa na asociación e esta seralle comunicada ao interesado/a e á asemblea de socios/as.
A baixa de calquera socio/a por calquera das causas contempladas nos estatutos e neste regulamento non dá dereito a recibir contraprestación económica ou material da asociación. Contra esta resolución da xunta directiva e a súa ratificación pola asemblea xeral non cabe recurso algún.
Aprobado en asamblea xeral extraordinaria de 7 de maio de 2014